Պատրանք
Պատրա՞նք, թե՞ իրական գլուխգործոց։ Սա ուտեստ է նորի բացահայտման ու նախկինում երբեք չզգացած համերին կյանք տալու մասին։ Հյութեղ թառափի համային նոր երագների հետքերով գնալու ժամանակն է։
Այս ստեղծագործության ինքնատիպության մասին ձեզ լավագույնս կպատմի ուտեստի համը։ Հիմնական մթերքը՝ թառափը մարինացվել է 15 օր մշակված և պատրաստված կիմչի ֆերմենտում, որի հիմնական բաղադրիչը չինական կաղամբն է։
Կիմչիի ֆերմենտը բարդ ու միևնույն ժամանակ յուրահատուկ համ ունի՝ կծվից մինչև քաղցրաթթու նոտաներ, որի շնորհիվ էլ մեզ ծանոթ ձուկը քիմքի համար միանգամայն նոր համային բացահայտում է դառնում։
Մատուցվում է ծխեցված սխտորի կրեմով և խավարտով, որը պատրաստված է գինով, չիլիով, մաղադանոսով եփված վոնգլիի մածուկի և կարտոֆիլի խյուսի խառնուրդից։
Ձևավորված է վարդագույն ձկան արգանակի չիփսերով և պոնզու սոուսով։
