Տհալ կամ երբեմն օգտագործվող՝ ղավուրմա, հայկական իշխան երկու տեքստուրայով և հայկական կանաչիներով տապակա հավկիթով կամ Արցախյան ճլմբուր։

Ձեր առջև դրված ափսեում միաձուլվել են պանրի և թառափի նուրբ համերը, որոնք, փոխլրացնելով իրար, ստեղծում են լիարժեքության և ներդաշնակության զգացողություն։

Սա շեֆ-խոհարար Կարեն Խաչատրյանի լավագույն ստեղծագործություններից մեկն է, որտեղ հայկական բնաշխարհից ոգեշնչված համերը հատում են տարածական սահմանները և հարստանում աշխարհի այլ մթերքների առանձնահատկություններով։

Այս ուտեստը բանջարեղենային մինիմալիզմի վառ օրինակ է։ 

Այս ուտեստում հայկական բանջարեղենը և կանաչիների բույլը լավագույն ձևով փոխլրացնում են ստերլետի հարուստ համը, որտեղ մթերքներն առանձնանում են ջրից ստացած թեթևությամբ և հողից վերցրած ուժով։

Մինիմալիստական և գունեղ ափսեում տեսնում եք սնկերից պատրաստված փետուր, որն այս ուտեստի հիմնական կոնցեպտուալ տարրն է։

Ձեր առջև հայկական ավանդական ապուրներից մեկի մեկնաբանությունն է հեղինակային խոհանոցում։ 

Շեֆ-խոհարարի յուրահատուկ ստեղծագործությունը, որտեղ նա չի վարանել համադրել արտահայտիչ և ընդգծված համով տարբեր մթերքներ։ Ցլի փոչերն այս ուտեստում նեխուրի ազդեցությամբ համային կրկնակի շեշտադրում են ստանում։

Համերի զգայարանները թարմացնելու ժամանակն է, քանի որ անցնում ենք աղանդերին։ Մեր քիմքը քաղցրին նախապատրաստելու և համային փունջն ամբողջությամբ ու խորությամբ զգալու լավագույն տարբերակը շեֆի կողմից առաջարկվող այս նախա-աղանդերն է՝ լայմի սորբեթը։

Նուշի կրեմով, նուշի խմորով և նուշի պաղպաղակով, ծիրաններով և ծիրանի մուրաբայով 

Ախթամար բրենդիով շոկոլադ, դիլիջանյան տրյուֆելից պաղպաղակ և սպիտակ սունկ․ անհավանական թվացող աղանդեր, որը մեր քիմքի համար բացահայտում է համային բոլորովին նոր, միաժամանակ հակասական ու ներդաշնակ ճամփորդություն։