Բարի գալուստ

RENOMMÉE

e
ԱՌԱՆՁՆԱՀԱՏՈՒԿ

Renommée-ում առանձնահատուկ է յուրաքանչյուր մանրուք. այստեղ էկլետիկ ոճի ինտերիերի բարձրաճաշակ լուծումները, մեղմ երաժշտական ֆոնը, զուսպ և հանգիստ մթնոլորտը հյուրի ուշադրությունն ու բոլոր զգայարանները կենտրոնացնում են միայն շեֆ-խոհարարի տաղանդի և ստեղծարարության շնորհիվ ստեղծված նոր համերի բացահայտման վրա։

Այստեղ հատուկ կարևորություն են ստանում այն մթերքները, որոնցից պատրաստվում է անսպասելի ու յուրօրինակ համադրություններով հեղինակային ուտեստը, մատուցվող լավագույն գինիների ընտրանին, սպասարկման յուրահատուկ ոճն ու անհատական մոտեցումը յուրաքանչյուր հյուրին:

Renommée-ն նախատեսված է 20 հյուրի համար և գործում է երեկոյան 19:00-ից: Անհրաժեշտ է նախապես ամրագրել սեղանը։
 

renommee renommee
Կարեն Խաչատրյան

Շեֆ խոհարար

 

Renommée-ի շեֆ խոհարար Կարեն Խաչատրյանը՝ «Երեմյան Փրոջեքթս» Խոհարարական արվեստի եւ հյուրընկալության

ակադեմիայի «Խոհարարական արվեստ» ուսումնական ծրագրերի ղեկավարն է։

Նա խոհարարության աշխարհի գավաթի երկակի արծաթե մեդալակիր է (Լյուքսեմբուրգ 2014), Կարվինգի Եվրոպայի առաջնության երկակի ոսկե մեդալակիր (Մոսկվա 2013), Ռուսաստանի Կարվինգի առաջնության տարբեր տարիների ոսկե և արծաթե մեդալակիր, Միջազգային բաց առաջնության արծաթե մեդալակիր (Կիև 2011):

Նա մեր երկրի պատիվը բարձր է պահել տարբեր միջազգային այլ մրցույթներում, շատերում եղել որպես ժյուրիի պատվավոր անդամ: Կարեն Խաչատրյանը Ռուսաստանի եւ Բելառուսի շեֆ խոհարարների ազգային գիլդիայի, Հայաստանի եւ Ուկրաինայի խոհարարների ասոցիացիայի, Հայկական ազգային խոհանոցի պահպանման եւ առաջխաղացման խմբի անդամ է: Նա տարիներ շարունակ աշխատել է տարբեր երկրների Միշլենյան աստղ ունեցող ռեստորաններում, նրա հեղինակային ուտեստներն այսօր զարդարում են այդ ռեստորանների ճաշացանկերը։

Կարեն Խաչատրյանը խոհարարական արվեստի իրական վիրտուոզ է, ում վառ երևակայության և ստեղծարարության շնորհիվ է հյուսվում Renommée-ի համերի մոգական սիմֆոնիան։